کراچی میں جمعرات اور جمعہ کو گرج چمک کے ساتھ بارش متوقع

اسلام ٹائمز۔ کراچی میں جمعرات اور جمعہ کو گرج چمک کے ساتھ بارش متوقع ہے۔ محکمہ موسمیات کے مطابق کراچی میں جمعرات اور جمعے کی بارش سے قبل آندھی کا بھی امکان ہے۔ شہر کے مضافات سمیت دیگر مقامات پر بھی بارش ہوسکتی ہے۔ محکمہ موسمیات کے مطابق کراچی میں اس دوران ہلکی سے لے کر معتدل شدت کی بارش ہوسکتی ہے۔ محکمہ موسمیات کے مطابق کراچی میں جمعرات اور جمعے کی دوپہر میں یا شام میں بادل برسنے کا امکان ہے۔