امامیہ فائونڈیشن کے زیراہتمام منعقدہ غدیر کانفرنس کی ویڈیو رپورٹ

متعلقہ فائیلیںرپورٹ: سید محمد ثقلین

امامیہ فائونڈیشن پاکستان کے زیراہتمام عید غدیر کی مناسبت سے مقامی ہوٹل میں شاندار ''غدیر کانفرنس'' کا انعقاد کیا گیا، جس میں اہل تشیع، اہلسنت اور دیوبندی علماء نے شرکت کی اور خطاب کیا۔ کانفرنس سے امت واحدہ پاکستان کے سربراہ علامہ محمد امین شہیدی، دیوبندی عالم دین سید محمد طیب شاہ بخاری اور اہلسنت مذہبی اسکالر مفتی فضل ہمدرد نے خطاب کیا جبکہ سید عاصم رضا شاہ، کاشف زیدی، مظفر مجاہد، ابوذر مہدی نے منقبت اور قصیدوں سے شرکا کو گرمایا۔ کانفرنس سے خطاب کرتے ہوئے علامہ محمد امین شہیدی نے کہا کہ غدیر کا تعلق کسی شیعہ یا سنی سے نہیں بلکہ غدیر کا تعلق قرآن سے ہے، ہمیں غدیر کے شعور کو بیدار کرنے کی ضرورت ہے، ماضی کی نسبت اس وقت عوام میں غدیر کا شعور پروان چڑھ رہا ہے، یہی وجہ ہے کہ آج کی محفل میں اہلسنت اور دیوبندی اسکالر بھی شریک ہیں۔ کانفرنس میں عوام کی بڑی تعداد نے شرکت کی۔ اس موقع پر علامہ سید سلطان احمد نقوی، مولانا اعجاز حسین بہشتی، مولانا کاشف حیدری، مولانا غلام جعفر انصاری، سلیم عباس صدیقی، احسن مہدی، عرفان حیدر، سید فرخ مہدی، فضل عباس نقوی اور دیگر بھی موجود تھے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial