عید پر آلائشوں کی صورتحال نے حکومتی دعوؤں کی قلعی کھول دی، امین الحق

اسلام ٹائمز۔ متحدہ قومی موومنٹ پاکستان کے رکن قومی اسمبلی امین الحق نے کراچی میں عیدالاضحیٰ پر آلائشیں اٹھانے کے حکومتی اقدامات پر تبصرہ کردیا۔ ایک بیان میں امین الحق نے کہا کہ عید پر آلائشوں کی صورتحال نے سندھ حکومت کے دعوؤں کی قلعی کھول دی۔ انہوں نے کہا کہ بلدیاتی نمائندوں نے آلائشیں ٹھکانے لگانے کا کوئی معقول پلان نہیں بنایا۔ سندھ سالڈ ویسٹ مینجمنٹ نے آلائشوں کے ڈمپنگ پوائنٹس رہائشی علاقوں میں بنائے ہیں۔ رہنما ایم کیو ایم پاکستان نے مزید کہا کہ رہائشی علاقوں میں ڈمپنگ پوائنٹس سے وبائی امراض پھیلنے کا خطرہ ہے۔