دیامر آپریشن، ترجمان گلگت بلتستان حکومت نے تفصیلات جاری کر دیں

اسلام ٹائمز۔ ترجمان گلگت بلتستان حکومت فیض اللہ فراق نے کہا ہے کہ دیامر کے خلاف کوئی سازش نہیں ہو رہی ہے اور نہ دیامر اور دیامر کے مخلص و پرامن عوام کے خلاف کوئی آپریشن ہو رہا ہے، البتہ سانحہ ہڈور میں گرفتار 3 سہولت کاروں کی نشاندہی پر نصف درجن سے زائد شدت پسند سانحہ ہڈر میں نامزد ہیں جن کی گرفتاری کیلئے صوبائی حکومت اور سیکورٹی اداروں نے بارہا دیامر جرگہ اور دیگر اسٹیک ہولڈرز سے رجوع کیا لیکن کسی بھی طرف سے کوئی پیش رفت نہ ہوسکی۔ ترجمان نے کہا کہ سانحہ ہڈر کے خلاف دیامر اور داریل میں ہزاروں مظاہرین سڑکوں پر نکل کر مذکورہ سانحے میں ملوث کرداروں کی گرفتاری کا مطالبہ کیا تھا مگر یہ نامزد ملزمان تاحال روپوش تھے۔