دیامر میں آپریشن، دہشتگرد کمانڈر ہلاک، فائرنگ کا سلسلہ جاری

اسلام ٹائمز۔ گلگت بلتستان کے ضلع دیامر کے علاقے داریل میں سکیورٹی فورسز کے آپریشن میں سانحہ ہڈور کا ماسٹر مائنڈ کمانڈر خمشاہ فیصل مارا گیا۔ آپریشن کے دوران گلگت بلتستان سکاؤٹس کے چار جوان بھی زخمی ہو گئے ہیں۔ آخری اطلاع تک فائرنگ کا سلسلہ جاری ہے۔ ادھر شاہراہ قراقرم کو ہر قسم کی ٹریفک کیلئے بند کر دیا گیا ہے۔ گلگت بلتستان حکومت کے ترجمان فیض اللہ فراق کے مطابق داریل میں سانحہ ہڈر میں نامزد شرپسندوں کے خلاف آپریشن جاری ہے۔ سانحہ ہڈر کا ماسٹر مائنڈ کمانڈر شاہ فیصل سیکورٹی اداروں کے ہاتھوں مارا گیا ہے۔ فائرنگ کا سلسلہ جاری ہے۔