اسلام ٹائمز۔ ریاست نیویارک کے ڈیموکریٹک نمائندے نے کہا کہ امریکا کو کو بے گناہ لوگوں کے قتل میں اسرائیل کی مدد کے لیے اربوں ڈالر نہیں بھیجنے چاہئیں۔ فارس نیوز ایجنسی کے بین الاقوامی ڈیسک کے مطابق نیویارک ریاست کے ڈیموکریٹک نمائندے "انتھونی بومن" نے اتوار کے روز امریکی ایوان نمائندگان میں اسرائیلی حکومت کی مالی امداد کے بل کی منظوری پر تنقید کی ہے۔ انہوں نے ایک تقریر میں کہا کہ ہمیں بے گناہوں کے قتل میں نیتن یاہو کی حمایت کے لیے اربوں ڈالر اور اس سے زیادہ ہتھیار نہیں بھیجنے چاہئیں۔
امریکی نمائندے نے مزید کہا کہ مشرق وسطیٰ میں تنازعات کے بارے میں ہمارے نقطہ نظر کی جڑیں امن اور کشیدگی میں اضافے کو روکنے کے لیے ہونی چاہئیں۔ کل، امریکی ایوان نمائندگان نے 26 بلین ڈالر کے سکیورٹی امدادی پیکج کی منظوری دی۔ امریکی ایوان نمائندگان کی جانب سے تل ابیب کو 26 ارب ڈالر کی امداد کے معاہدے نے صہیونی حکام کے لیے جوش و خروش پیدا کر دیا۔ اسرائیل کے وزیر خارجہ یسرائیل کاتز نے اس کارروائی کے ردعمل میں کہا کہ اسرائیل کے لیے نئے امدادی پیکج کی منظوری ہمارے دشمنوں کے لیے ایک مضبوط پیغام ہے۔