"Hizbullah İsrail üçün böyük təhlükədir"

Amerikanın "Media Line" saytı Livan Hizbullahının on minlərlə təlim keçmiş əsgərə və 100 mindən çox raketə malik olduğu üçün sionist rejim üçün əsas hərbi təhlükə olduğunu bildirib.

"Əl-Məyadin"in xəbərinə görə, bu internet saytı yeni hesabatında Hizbullah ilə sionist rejim arasında şimal sərhədində (Livan və işğal olunmuş Fələstin arasında) 8 ay davam edən qarşıdurmadan sonra genişmiqyaslı müharibə təhlükəsi olduğunu elan edib.

Bu Amerika saytı həmçinin qeyd edib ki, münaqişələrin şiddətlənməsi Livanda 1000-dən çox mülki şəxsin ölümü, infrastrukturun zədələnməsi və 160 sionistin ölümü ilə nəticələnən İkinci Livan müharibəsini (iyul 2006) xatırladır.