QR Code

اگر جنگ غزہ نہ رکی تو سب خطرے میں ہونگے، رجب طیب اردگان

2 Jul 2024 23:15

اپنے ایک بیان میں ترکیہ کے صدر کا کہنا تھا کہ نتین یاہو ذمے دار شخص نہیں بلکہ پاگلوں کی طرح برتاو کر رہا ہے۔

اسلام ٹائمز۔ ترکیہ کے صدر "رجب طیب اردگان" کا کہنا ہے کہ جو کچھ مشرق وسطیٰ میں ہو رہا ہے ہمیں اس پر بہت زیادہ تشویش ہے۔ رجب طیب اردگان نے کہا کہ اگر غزہ پر جنگ اور صیہونی حملے نہ رکے تو سب ممالک خطرے میں ہوں گے۔ ترکیہ کے صدر نے صیہونی وزیراعظم "نتین یاہو" کے بارے میں کہا کہ وہ ذمے دار نہیں بلکہ پاگلوں کی طرح برتاو کر رہا ہے۔ واضح رہے کہ مقبوضہ سرزمین کے صیہونی مکینوں نے وسیع پیمانے پر نتین یاہو کے خلاف مظاہرے شروع کر رکھے ہیں۔ مظاہرین کا مطالبہ ہے کہ غزہ پر مسلط جنگ بند کی جائے اور ہمارے قیدی واپس لائے جائیں۔ قابل غور بات یہ ہے کہ نتین یاہو کی سربراہی میں صیہونی رژیم نے غزہ میں قیامت خیز تباہی مچا رکھی ہے اور اس کے علاوہ اس علاقے میں فلسطینیوں کی نسل کشی بھی جاری کر رکھی ہے۔ تل ابیب نے اس پٹی میں زمینی و فضائی جارحیت کے نتیجے میں اب تک 38 ہزار سے زائد فلسطینیوں کو شہید کر دیا ہے۔

خبر کا کوڈ: 1145328