اسلام ٹائمز - علی امین گنڈاپور سے کنٹری ڈائریکٹر عالمی بینک کی سربراہی میں وفد کی ملاقات

علی امین گنڈاپور سے کنٹری ڈائریکٹر عالمی بینک کی سربراہی میں وفد کی ملاقات

عالمی بینک کے کنٹری ڈائریکٹر کی سربراہی میں وفد کی وزیر اعلیٰ خیبرپختونخوا سے ملاقات میں وزیر اعلیٰ خیبرپختونخوا کا کہنا تھا کہ عوامی فلاح و بہبود کے کاموں میں عالمی بینک کے تعاون کو قدر کی نگاہ سے دیکھتے ہیں، صحت کارڈ کے طرز پر طلبہ کے لیے تعلیم کارڈ کا منصوبہ بھی زیر غور ہے۔

اسلام ٹائمز۔ وزیر اعلیٰ خیبرپختونخوا علی امین گنڈاپور سے عالمی بینک کے کنٹری ڈائریکٹر ناجی بنحسن کی سربراہی میں وفد نے ملاقات کی۔ ملاقات کے دوران عالمی بینک کے تعاون سے جاری عوامی فلاح و بہبود کے منصوبوں سے متعلق امور پر تبادلہ خیال کیا گیا۔ وزیر اعلیٰ علی امین گنڈا پور نے کہا کہ عوامی فلاح و بہبود کے کاموں میں عالمی بینک کے تعاون کو قدر کی نگاہ سے دیکھتے ہیں، صحت کارڈ کے طرز پر طلبہ کے لیے تعلیم کارڈ کا منصوبہ بھی زیر غور ہے۔ علی امین گنڈاپور نے مزید کہا کہ صوبائی حکومت مختلف شعبہ جات میں عالمی بینک کے تعاون کا خیر مقدم کرے گی۔