اسرائیل عالمی برادری کی بات سنے، چین

اسلام ٹائمز۔ "اسرائیل عالمی برادری کی بات سنے اور رفح پر حملہ نہ کرے!" یہ الفاظ چینی وزارت خارجہ کے ترجمان لین جیان کے ہیں۔

بیجنگ میں ایک پریس کانفرنس سے خطاب کے دوران غزہ کی پٹی کے جنوب میں واقع رفح کراسنگ کے فلسطینی حصے پر کنٹرول حاصل کرنے کے اسرائیلی دعوے کے جواب میں چینی وزارت خارجہ کے ترجمان کا کہنا تھا کہ چین اسرائیل پر زور دیتا ہے کہ وہ عالمی برادری کے مطالبات پر توجہ دے اور رفح پر حملے بند کرے۔ لین جیان نے ایک مرتبہ پھر زور دیتے ہوئے کہا کہ چین اسرائیل پر زور دیتا ہے کہ وہ بین الاقوامی برادری کی اکثریت کے مطالبات پر کان دھرے، رفح پر حملے بند کرے اور غزہ کی پٹی میں مزید سنگین انسانی تباہی سے بچنے کے لئے ہر ممکن کوششوں کو بروئے کار لائے!