کراچی، پاگل کتے کے کاٹنے سے متاثر لڑکا لاعلاج قرار

اسلام ٹائمز۔ شہر قائد میں پاگل کتے کے کاٹنے سے متاثرہ لڑکا کورنگی کے فلاحی اسپتال لایا گیا، جسے ڈاکٹروں نے لاعلاج قرار دے دیا۔ اہلخانہ کا کہنا ہے کہ لڑکے کو کتے نے رمضان میں کاٹا تھا، بروقت اینٹی ریبیز ویکسین نہیں لگی تھی۔ ڈاکٹر آفتاب گوہر کا کہنا ہے کہ اب کتے کے کاٹنے سے متاثرہ لڑکے کا کہیں بھی علاج ممکن نہیں ہے، ہم والدین سے مشاورت کے بعد بچے کو عارضی آرام کیلئے داخل کریں گے۔ انہوں نے کہا کہ ریبیز کے متاثر کو ابتدائی طور پر خارش، سر درد اور بے چینی ہوتی ہے، متاثرہ بچے میں تمام علامات پائی گئی ہیں اور زخم اب پرانا ہوگیا ہے۔