وکلا پر پولیس کے بہیمانہ تشدد کی شدید مذمت کرتے ہیں، علامہ سید علی اکبر کاظمی

اسلام ٹائمز۔ مجلس وحدت مسلمین پنجاب کے صدر علامہ سید علی اکبر کاظمی نے وکلا پر پولیس کے بہیمانہ تشدد کی شدید مذمت کرتے ہوئے کہا ہے کہ پنجاب حکومت ہوش کے ناخن لے۔ کئی سال سے پنجاب کو پولیس سٹیٹ بنا دیا گیا ہے۔ پہلے پی ٹی آئی، پھر کسان اور اب وکلا کے خلاف پولیس گردی کی گئی ہے، اگر حکومت نے اپنی روش نہ بدلی اور پولیس کو سیاسی مقاصد کیلئے استعمال کرنے سے باز نہ آئی تو اِس کے نتائج مستقبل میں اِن حکمرانوں کو بھی بھگتنا پڑ سکتے ہیں۔ علامہ سید علی اکبر کاظمی نے وکلا برادری کو مجلس وحدت مسلمین کی طرف سے بھرپور حمایت کا یقین دلایا ہے۔