پٹرول اور ڈیزل کی قیمتوں میں 9 روپے تک کمی کا امکان

اسلام ٹائمز۔ عالمی مارکیٹ میں قیمتیں کم ہونے کے بعد ملک میں پیٹرول اور ڈیزل کی قیمتوں میں 5 روپے سے 9 روپے فی لیٹر تک کمی کا امکان ہے، جس کی بنیادی وجہ درآمدی پریمیم اور عالمی مارکیٹ میں قیمتوں کا گرنا ہے۔ رپورٹ کے مطابق باخبر ذرائع نے بتایا کہ گزشتہ 15 دنوں کے دوران عالمی مارکیٹ میں پیٹرول اور ڈیزل کی فی بیرل قیمتیں بالترتیب تقریباً 3 ڈالر اور 5 ڈالر کم ہوئی ہیں، اندرون ملک فریٹ ایکویلائزیشن مارجن (آئی ایف ای ایم) کے حتمی حساب کے بعد پیٹرول کی قیمت میں 4 روپے 50 پیسے سے 5 روپے 20 پیسے فی لیٹر اور ڈیزل کے نرخ میں 8 روپے سے 8 روپے 50 پیسے فی لیٹر تک کمی متوقع ہے۔