کامیاب یمنی میزائل و ڈرون آپریشن کی امریکہ کیجانب سے بھی تصدیق
25 Apr 2024 22:22
خطے میں دہشتگرد امریکی کمانڈ سنٹر (CENTCOM) نے آج صبح امریکی بحری جہازوں کیخلاف انجام پانیوالے یمنی مسلح افواج کے کامیاب میزائل و ڈرون آپریشن کی تصدیق کر دی ہے
اسلام ٹائمز۔ خطے میں دہشتگرد امریکی کمانڈ سنٹر سنٹکام (CENTCOM) نے آج صبح جاری ہونے والے اپنے ایک بیان میں تصدیق کی ہے کہ یمنی مسلح افواج کی جانب سے ایک امریکی بحری جہاز کے خلاف میزائل و متعدد ڈرون طیاروں کے ساتھ حملہ کیا گیا ہے۔
سنٹکام نے اپنے معمول کے جھوٹے دعووں کو دہراتے ہوئے اس بار بھی دعوی کیا کہ اس نے یمن سے داغے گئے 1 میزائل اور 4 ڈرون طیاروں کو خلیج عدن میں ہی ٹریک کر کے تباہ کر دیا ہے۔
سنٹکام کے بیان میں مزید کہا گیا ہے کہ یمنیوں کی جانب سے داغے گئے میزائل نے ممکنہ طور پر ایک امریکی کمپنی کے بحری جہاز کو نشانے پر لے رکھا تھا کہ جس میں 18 امریکی اور 4 یونانی شہری بھی سوار تھے۔
خبر کا کوڈ: 1131134