QR Code
خیبر ایجنسی، باڑہ میں کشیدہ حالات کے باعث متاثرین کی نقل مکانی
21 Jan 2012 21:58
اسلام ٹائمز:صوبائی ڈیزاسٹر مینجمنٹ اتھارٹی کے مطابق شلوبر قبیلہ کے 138 خاندان جلوزئی کیمپ منتقل ہوگئے ہیں جبکہ صورتحال پر غور کیلئے امدادی اداروں کا اجلاس پیر کو طلب کر لیا گیا۔
اسلام ٹائمز۔ خیبر ایجنسی کی تحصیل باڑہ میں جاری کشیدگی کے باعث متاثرین کی نقل مکانی کا نیا سلسلہ شروع ہو گیا ہے، صوبائی ڈیزاسٹر مینجمنٹ اتھارٹی کے مطابق خیبر ایجنسی کے شلوبر قبیلہ کے 138 خاندان جلوزئی کیمپ منتقل ہوگئے ہیں، جبکہ متاثرہ خاندانوں کو رہائش اور کھانے پینے کی سہولیات فراہم کر دی گئی ہیں، خیبر ایجنسی سے مزید 3 سے 5 ہزار خاندانوں کی نقل مکانی کا امکان ہے، شلوبر قبیلے کے ان خاندانوں کی نقل مکانی اسی سلسلے کی کڑی ہے، ادھر پی ڈی ایم اے نے اقوام متحدہ کے ذیلی اداروں یو این ایچ سی آر، ڈبلیو ایف او اور یونیسف کا ہنگامی اجلاس سوموار کو پشاور میں طلب کر لیا ہے، جس میں نئے آئی ڈی پیز کی نقل مکانی اور ان کو سہولیات کی فراہمی سے متعلق اہم فیصلے کیے جائیں گے۔
خبر کا کوڈ: 132104