QR Code

شاہد خاقان کا بجٹ پر شدید تحفظات کا اظہار، حکومت سے اخراجات کم کرنے کا مطالبہ

1 Jul 2024 21:42

سابق وزیراعظم کا میڈیا سے گفتگو کرتے ہوئے کہنا تھا کہ یہ بجٹ اور معیشت ایک ساتھ نہیں چل سکتے، ملکی معیشت رہے گی یا یہ بجٹ رہے گا۔

اسلام ٹائمز۔ سابق وزیر اعظم شاہد خاقان عباسی نے بجٹ پر شدید تحفظات کا اظہار کر دیا۔ سابق وزیراعظم شاہد خاقان عباسی نے میڈیا سے گفتگو کرتے ہوئے کہا کہ یہ بجٹ اور معیشت ایک ساتھ نہیں چل سکتے، ملکی معیشت رہے گی یا یہ بجٹ رہے گا۔سمگل ڈیزل اور ایل پی جی کا ٹیکس اکٹھا کرلیں تو کسی اور کی ضرورت نہیں۔ حکومت عوام پر ٹیکس لگانے سے پہلے اپنے اخراجات کم کرے۔

سابق وزیراعظم نے مزید کہا کہ بجٹ میں سب سے زیادہ مار تنخواہ دار طبقے کو پڑ رہی ہے۔ کیا حکومت اتنی کمزور ہے کہ سگریٹ بنانے والوں پر بھی ٹیکس نہیں لگا سکتی۔؟ ملکی معیشت کا سب سے بڑا وسیلہ ایکسپورٹ ہے، بجٹ پر نظرثانی کی جائے۔ اتحادی صرف اعتراض نہ کریں، حکومت کو ایسے اقدامات سے روکیں۔ ان کا مزید کہنا تھا کہ آئی ایم ایف نے جاری اخراجات بڑھانے کا نہیں کہا تھا۔ آئی ایم ایف نے زرعی ٹیکس لگانے کا کہا تھا، حکومت نے ٹیکس نہیں لگایا۔ مڈل کلاس کا استحصال ہو رہا ہے۔

خبر کا کوڈ: 1145062