QR Code
ڈاکوؤں نے مریض بن کر فیس دی، پھر لیڈی ڈاکٹر کو لوٹ لیا
1 Jul 2024 20:12
واردات کی سی سی ٹی وی میں ملزمان کو کلینک میں آتے اور فرار ہوتے دیکھا جا سکتا ہے۔ پولیس نے لیڈی ڈاکٹر کے شوہر کی مدعیت میں دو نامعلوم ملزمان کے خلاف مقدمہ درج کرکے تحقیقات شروع کردی۔
اسلام ٹائمز۔ فیصل آباد میں ڈاکوؤں نے مریض بن کر فیس ادا کرکے لیڈی ڈاکٹر کو کلینک کے اندر لوٹ لیا۔ پولیس کے مطابق دو ڈاکو مریض بن کر ستیانہ روڈ پر واقع میڈیکل کمپلیکس آئے۔ کاؤنٹر پر اسکن اسپیشلسٹ کو چیک اپ کرانے کی فیس دے کرکمرے میں گئے اور لیڈی ڈاکٹر کو باندھ کر اس کے زیورات، نقدی اورموبائل فون لوٹ کر فرار ہو گئے۔ واردات کی سی سی ٹی وی میں ملزمان کو کلینک میں آتے اور فرار ہوتے دیکھا جا سکتا ہے۔ پولیس نے لیڈی ڈاکٹر کے شوہر کی مدعیت میں دو نامعلوم ملزمان کے خلاف مقدمہ درج کرکے تحقیقات شروع کردی۔
خبر کا کوڈ: 1145027