Zaxarova: “Rusiya Britaniyanın hərbi obyektlərini vura bilər”

Bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Əgər belə bir ssenari reallaşarsa, o zaman Rusiya Federasiyası buna uyğun cavab vermək, yəni həm Ukrayna ərazisində, həm də onun hüdudlarından kənarda yerləşən Britaniya obyektlərini - hərbi obyektləri, silahları və s. hədəf almaq hüququnu özündə saxlayır”, - deyə o qeyd edib.

Zaxarova Britaniyanın xarici işlər naziri Devid Kemeronun Kiyev rejiminin Britaniya silahlarından Rusiya ərazisinə zərbələr endirmək üçün istifadə etməsini Londonun qanuni hesab etdiyi ilə bağlı sözlərini xatırlayıb və bunu “tamamilə ağılsızlıq” adlandırıb.

Mənbə: TASS