اسلام ٹائمز - سرینگر میں کئی مقامات پر این آئی اے کے چھاپے

ذرائع کے مطابق چھاپوں میں ان لوگوں کو نشانہ بنایا گیا جو تنازعہ کشمیر کے حل، امن اور آزادی کا مطالبہ کرتے ہیں۔

اسلام ٹائمز۔ غیر قانونی طور پر بھارت کے زیر قبضہ جموں و کشمیر میں بھارت کے بدنام زمانہ تحقیقاتی ادارے این آئی اے نے سرینگر میں کئی مقامات پر چھاپے مارے۔ ذرائع کے مطابق این آئی اے کے اہلکاروں نے بھارتی پیرا ملٹری اور پولیس کے سپیشل آپریشن گروپ کے اہلکاروں کے ساتھ مل کر سرینگر شہر میں کم از کم نو مقامات پر چھاپے مارے۔ چھاپوں میں ان لوگوں کو نشانہ بنایا گیا جو تنازعہ کشمیر کے حل، امن اور آزادی کا مطالبہ کرتے ہیں۔ یہ چھاپے پہلے سے درج ایک جھوٹے کیس کے سلسلے میں مارے گئے۔