غاصب صہیونی فوج کے سرور ہیک، 2 لاکھ سے زائد خفیہ دستاویزات ہتھیا لی گئیں
20 Apr 2024 14:41
عبرانی زبان کے اسرائیلی میڈیا نے اعلان کیا ہے کہ انانیمس ہیکرز نے غاصب اسرائیلی فوج کے ریزرو انفراسٹرکچر کے مختلف حصوں سے اہم خفیہ معلومات پر مشتمل 2 لاکھ سے زائد خفیہ دستاویزات ہتھیا لی ہیں
اسلام ٹائمز۔ عبرانی ای مجلے روٹر (Rotter) نے اعلان کیا ہے کہ ایک نامعلوم ہیکر گروپ نے غاصب صیہونی فوج (IDF) کی 18 گیگا بائٹ حجم پر مشتمل کلاسیفائیڈ معلومات چوری کر لی ہیں۔
انکشاف شدہ معلومات کا جائزہ لینے سے معلوم ہوتا ہے کہ غاصب صہیونی فوج کے ریزرو انفراسٹرکچر سے 2 لاکھ سے زائد اہم خفیہ دستاویزات کہ جن میں ملازمین کی شناختی معلومات، خفیہ مقامات کی لوکیشن اور اندرونی ہدایات وغیرہ شامل تھیں، ہتھیا لی گئی ہیں۔
خبر کا کوڈ: 1129938