اسلام ٹائمز - علامہ راجہ ناصر عباس بلامقابلہ سینیٹر منتخب، کراچی میں مٹھائیاں تقسیم، شاندار آتشبازی

علامہ راجہ ناصر عباس بلامقابلہ سینیٹر منتخب، کراچی میں مٹھائیاں تقسیم، شاندار آتشبازی

تقریب سے صوبائی صدر علامہ باقر عباس زیدی، ڈویژنل صدر علامہ صادق جعفری، علامہ مبشر حسن، مولانا ملک غلام عباس و دیگر مقررین نے خطاب کیا، آخر میں شرکاء میں مٹھائی تقسیم کی گئی جبکہ آتش بازی کا شاندار مظاہرہ بھی کیا گیا

اسلام ٹائمز۔ مجلس وحدت مسلمین پاکستان کے چیئرمین علامہ راجہ ناصرعباس جعفری کے بلامقابلہ ایوان بالا کا رکن (سینیٹر) منتخب ہونے کی خوشی میں صوبائی سیکریٹریٹ وحدت ہاؤس سولجر بازار کے باہر جشن، دعائیہ تقریب، پریس کانفرنس اور آتش بازی کا اہتمام کیا گیا۔ تقریب سے صوبائی صدر علامہ باقر عباس زیدی، ڈویژنل صدر علامہ صادق جعفری، علامہ مبشر حسن، مولانا ملک غلام عباس و دیگر مقررین نے خطاب کیا، آخر میں شرکاء میں مٹھائی تقسیم کی گئی جبکہ آتش بازی کا شاندار مظاہرہ بھی کیا گیا، اس موقع پر مختلف اضلاع سے تنظیمی کارکنان و عہدیداران، وحدت یوتھ کراچی کے ذمہ داران سمیت مولانا سید حسن رضا نقوی، مولانا موسیٰ علی و دیگر علمائے کرام اور میڈیا کے نمائندگان نے کثیر تعداد میں شرکت کی۔ اس عظیم کامیابی پر سب ایک دوسرے کو گلے مل کر مبارکباد دیتے رہے۔