سعودی لڑاکا طیاروں کی کاروائی ، یمن میں ایک ہی خاندان کے ۹ افراد جاں بحقکرم ایجنسی میں ڈرون حملہ، 3 دہشت گرد ہلاکبرما کے بے گھر مسلمانوں کیلئے ایران کا امدادی کاروان روانہ / آج پہلی امدادی کھیپ بنگلہ دیش روانہ کر دی گئیایرانی وزیر خارجہ محمد جواد ظریف نے روس کا دورہ کیا / سوچی میں ولادیمیر پوٹین سے ملاقاتبرما کے مسئلہ کا حل مسلمان ممالک کی عملی مداخلت سے حل ہو گا، رہبر معظم انقلاب اسلامیرہبر انقلاب اسلامی آیت اللہ العظمی امام خامنہ ای نے اب سے چند گھنٹے پہلے اپنے درس فقہ میں برما کے مسلمانوں پر ہونے والے ظلم کی شدید الفاظ میں شامی فوج اور مقاومتی فورسز کی پیشقدمی، دیرالزور کا فوجی ہوائی اڈہ آزادوزیر خارجہ پاکستان کی جناب آقای روحانی صدر جمہوری اسلامی ایران سے ملاقات / دو جانبہ مسائل پر گفتگوخواجہ آصف کی ایران آمد / وزیر خارجہ محمد جواد ظریف سے ملاقاتشام صوبہ دیرالزور سے داعش کا مکمل خاتمہ / متحدہ فورسز کا جبل الثردہ پر کنٹرول
 
 
 
 
 
 
 
نیوز لیٹر کیلئے اپنا ای میل ایڈریس لکھیں.
 
 
Wednesday 16 August 2017 - 18:20
Share/Save/Bookmark
ملک بھر میں افغان مہاجرین کی دوبارہ رجسٹریشن آج سے شروع
ملک بھر میں افغان مہاجرین کی دوبارہ رجسٹریشن آج سے شروع
 
 
ملک بھر میں 10 لاکھ غیر رجسٹرڈ افغانیوں کی رجسٹریشن کا ہدف رکھا گیا ہے جسمیں 6 لاکھ غیر رجسٹرڈ افغانیوں کو خیبرپختونخوا میں رجسٹرڈ کرنیکا ہدف رکھا گیا ہے۔
 
اسلام ٹائمز۔ خیبرپختونخوا سمیت ملک کے دیگر حصوں میں مقیم غیر رجسٹرڈ افغان مہاجرین کی رجسٹریشن کا باقاعدہ آغاز آج سے شروع ہوگا۔ ملک بھر میں 10 لاکھ غیر رجسٹرڈ افغانیوں کی رجسٹریشن کا ہدف رکھا گیا ہے جس میں 6 لاکھ غیر رجسٹرڈ افغانیوں کو خیبرپختونخوا میں رجسٹرڈ کرنے کا ہدف رکھا گیا ہے۔ رجسٹریشن کے لئے ملک بھر میں مجموعی طور پر 21 سنٹرز قائم کئے جاچکے ہیں جبکہ خیبرپختونخوا میں 11 سنٹرز قائم کے گئے ہیں، غیر رجسٹرڈ افغانیوں کی رجسٹریشن کا عمل جنوری 2018 تک جاری رہے گا جس کے لئے نیشنل ڈیٹا بیس اینڈ رجسٹریشن اتھارٹی (نادرا)، افغان کمشنریٹ، خیبرپختونخوا اور افغان حکومت کے افغان وزارت برائے مہاجرین (ایم او آر آر) نے انتظامات مکمل کرلئے ہیں۔ نادرا، افغان کمشنریٹ خیبرپختونخوا اور ایم او آر آر کی ٹیمیں اور عملہ قائم کی گئی سنٹرز میں تعینات ہوگا جو غیر رجسٹرڈ افغانیوں کو افغان شہریت کارڈ جاری کرے گا جس کا باقاعدہ ریکارڈ مرتب کیا جائے۔ غیر رجسٹرڈ افغانیوں کو افغان شہریت کارڈ جاری کرنے کے بعد وہ 31 دسمبر 2017 تک پاکستان میں قانونی طور پر قیام کرسکیں گے جبکہ جنوری 2018 تک ان سنٹرز سے افغان شہریت کارڈ حاصل نہ کرنے والوں کو غیر رجسٹرڈ تصور کیا جائے گا اور انہیں واپس افغانستان بھیج دیا جائے گا۔ اس سلسلہ میں ڈائریکٹر جنرل افغان کمشنریٹ وقار معروف نے بتایا کہ خیبرپختونخوا میں غیر رجسٹرڈ افغان مہاجرین کی رجسٹریشن کا عمل آج سے شروع ہوگا جس کے لئے انہوں نے پشاور میں 3، نوشہرہ میں 2 اور کوہاٹ، مردان، دیر، مانشہرہ اور ہری پور میں ایک، ایک سنٹر قائم کیا ہے۔
 
خبر کا کوڈ: 661770