Ərdoğan 12 ildən sonra İraqa səfər edəcək

Teleqraf.com xəbər verir ki, bu barədə jurnalistlərə Bağdadda səfərdə olan Türkiyə xarici işlər nazirinin müavini Əhməd Yıldız məlumat verib.

"Sabah İraq Xarici İşlər Nazirliyində həmkarlarımızla görüşlər keçirəcəyik, ikitərəfli əlaqələri müzakirə edəcəyik. Yaxın gələcəkdə baş tutacaq xarici işlər nazirlərinin görüşünə, eləcə də prezidentimizin İraqa səfərinə hazırlıq görəcəyik", - deyə vurğulayıb.

Diplomat bildirib ki, Ərdoğanın aprel ayının sonuna qədər İraqa səfər edə bilər.

Türkiyə lideri daha əvvəl bəyan etmişdi ki, bu yay İraqla sərhəd təhlükəsizliyi məsələsi həll olunacaq.